احمد جمال " انسان جديد"

أفرج الداعية مصطفى حسني عن تتر برنامج "انسان جديد" الذي قدّمه النجم المصري أحمد جمال على أن يرافق بصوته من خلاله الجمهور والمشاهدين طيلة الشهر الفضيل.

تتر "إنسان جديد" من كلمات عزيز الشافعى، ألحان وتوزيع أحمد عادل وقد أبدع أحمد جمال بتقديمه صوتا وإحساسا فخرجت الكلمات على أوتار صوته بصدق ولامست مشاعر المستمعين لتخلق فيهم الإندفاع للتغيير.

تقول كلمات تتر "إنسان جديد" بصوت أحمد جمال:
فارس على ضهر الحصان الأبيض .. شايف بعيني بكرة أنا وبعده
عارف إن همي ده فيه فرج بعده .. ولا عندي وقت لدموعي أو يأسي
ولا عندي وقت أزعل على نفسي .. أنا عمري كله كام على بعضه


وأنا مش بعيد عن فرحة العمر اللي جاية.. مهما غابت عني جاية قلبي متمسك عنيد
عندي عزيمة وعمري ما أقبل بالهزيمة .. في وسط لحظاتي الأليمة بابتسم بإيمان أكيد


ولو الحياة في كل يوم تخلق مصاعب جديدة قادر أكون في كل يوم إنسان جديد


نادى المنادي ع الصلاة لبيت.. ورفعت إيدي للسما ودعيت
يارب ترزقني الثبات في الأمر وتهدي قلبي لو في يوم ضلّيت
أنا اتكلت عليك ونعم الوكيل يارب ردني ليك برد جميل
مكتوب عليا يكون طريقي طويل وإنت المداوي لكل قلب عليل


وأنا مش بعيد عن فرحة العمر اللي جاية .. مهما غابت عني جاية قلبي متمسك عنيد
عندي عزيمة وعمري ما أقبل بالهزيمة .. في وسط لحظاتي الأليمة بابتسم بإيمان أكيد


ولو الحياة في كل يوم تخلق مصاعب جديدة قادر أكون في كل يوم إنسان جديد


- See more at: http://www.bitajarod.com/mobile/details.php?cat_id=4&id=68427#sthash.hhGlaCjx.dpuf